* Ontran-Ontran *

Parak isuk jagone kluruk

Yu Painem

Mesam-mesem

Sajak ayem

Ee,,teko ngendi yu?

Biasa,,,Dugem…

Segle’ng - segle’ng ora noleh ora ne’ngle’ng

Bablas

Tanpo mengo tanpo nggagas

Dhemit alas

Batinku

Di takoni ra nggace blas

Mbukak lawang mlebu ngomah

Lungguh dingklik

cilik

lumah lumah

trus

Mutah,,,

Byaah,,,

Kang Paijo biasane turu njobo

Kroso anget

Mak nyat,,

Mencolot teko kloso

Byuh,,

Ono opo?

Yu Painem sing wis memdem klecam klecem

Ngguyu bungah

Lali untu sing ompong tengah

Mbokne,,,!!!

Kang Paijo mbengok sak bantere

Gregah,,

Nyandhak sarung tanpo sandal

langsung sranthal

Ee,,nyang endi kang?

Wah,,ketiwasan,,,

Nabyak nabyak

Pager barang arep di terak

Mak bleber

Luwung minggir timbang di samber

Antarane

Limang menit kurang rong detik

Simbah Suro thinik thinik

Nebrang nebrang ora raup ora barang

Teko teko terus lungguh bablas silo

Mbakar dupo ngrapal montro

Komat kamit

Dhemit ora ndulit setan ora doyan

Cuh,,,

Banyu banger pas,,ceblok’e bener

Anyep anyep nyembur rai

Yu Painem malah tangi

Lho,,maneni?

Simbah suro kaget ora sronto

Duh Jagad dewo bathoro iki menungso kesurupan dhanyang ngendi yo?

Koq ra sebaene to,,,

Ngadeg

dheleg dheleg

Simbah Suro melu bludreg

“Wis Jo,,Entek ilmuku garing iduku, ra saguh aku”

Simbah Suro tobat mulih mlaku

Teng pundi mbah,,?

Meneng meneng campur mrengut paling nesu

Sak karepmu

Batinku

Weteng mules ra mangan pedhes

Sirah ngelu nggo ngempet ngguyu

Jiaan,,

Yu Painem pinter dugem , dhuwit bayem di enggo mendem

Yu Painem gaul tenan,pamit arisan balik klesetan

Yu Painem,,Yu Painem,,koq kesurupan setan ,,,

“Metropolitan”.

Jiaann,,,,!!!!!!!

---------------------------------------------------
Lonk 2010